ټول   پښتو BBC ازادي راډیو د امریکا غږ اشنا رادیو

د افغان زندانونو چارې ملکي ادارې ته سپارل کېږي

ولسمشر محمد اشرف غني په یوه تازه فرمان کې د زندانونو او د ازادیو سلب ټولو ځایونو مدیریت یوې ملکي ادارې ته سپارلې دي. تر اوسه دا چاره نظامي ادارو، په ځانګړي ډول د کورنیو چارو وزارت او د ملي امنیت ریاست تر سره کوله. د دغې ادارې نوم تر اوسه نه دی په ډاګه شوی.

2020-01-24 پښتو BBC

بغداد: پراخ لاریون کې له عراقه د امریکايي پوځیانو وتلو غوښتنه

د عراق پلازمېنه بغداد کې ګڼو کسانو په هغه لاریون کې ګډون کړی و، چې له دغه هېواده د امریکايي ځواکونو د وتلو غوښتنه کوي. دغه تاو تریخوالي په بغداد کې د روانې جنورۍ پر درېیمه د امریکا یوه هوايي برید کې د ایراني پوځي قومندان جنرال قاسم سلیماني له وژل کېدو وروسته زیات شو.

2020-01-24 پښتو BBC

غني: افغانستان د دریمه برخه امریکايي پوځ وتلو ته چمتو دی

افغان ولسمشر محمد اشرف غني- چې په نړیواله اقتصادي غونډه کې د ګډون لپاره سویس ته تللی- خبریالانو ته ویلي، حکومت یې له هېواده د کابو دریمه برخه امریکايي ځواکونو وتلو ته چمتو دی.

2020-01-24 پښتو BBC

تازه نظر پوښتنه: د جگړې يوازينى حل سياسي هوکړه ده

دا نظر پوښتنه د سولې او جګړې څېړنیز مرکز له خوا شوې چې څه باندې پنځه زره کسانو په کې برخه اخستې ده. ۶۵ سلنه ګډونوالو ویلي د سولې لپاره روانې هلې ځلې دې د حکومت تر څار او مشرۍ لاندې وشي، خو ۲۱ سلنه ګډونوال بيا په دې باور و چې له حکومتي اډانې د باندې نورې سیاسۍ کړۍ دې د سولې چارو مشري وکړي.

2020-01-23 پښتو BBC

شپږ ګمرکي رییسان په جعلي که اصلي لاسلیک ګومارل شوي؟

د افغانستان په مشرانو جرګه کې د شکایتونو اورېدو کمیسیون د روان ۱۳۹۸ کال د مرغومي په لومړیو کې د مالیې چارسمبال وزیر محمد همایون قیومي یوې استجوابیه غونډې ته ورغوښتی و.

2020-01-23 پښتو BBC

طالبان: غني د طالبانو پر سیاسي دفتر بې‌حقیقته تورونه لګولي

طالبانو د افغان ولسمشر هغې خبرې، چې وايي، که طالبان د سولې په نامه د نظام ړنګول غواړي، نو د خلکو او حکومت پروړاندې دې ودرېږي، 'بې مسئولیته او پر ناخبرۍ ولاړې' بللې او وايي 'غني د اسلامي امارت د سیاسي دفتر په مسئولینو له حقیقته لرې اتهامونه وارد کړل.'

2020-01-23 پښتو BBC

غني: که طالبان د جګړې ختمېدو ته چمتو وي، افغان ټولنه د دوی منلو ته چمتو ده

افغان ولسمشر محمد اشرف غني وايي، که طالبان د جگړې ختمېدو ته چمتو وي، نو افغان ټولنه يې منلو ته چمتو ده، خو که يې موخه د سولې په نامه د نظام ړنگول وي، نو بیا به یې حکومت او خلک پر وړاندې ودرېږي.

2020-01-22 پښتو BBC

د افغانستان ولسي جرګې د ۱۳۹۹ کال بودیجه لانجمنه ناسته کې تصویب کړه

د افغانستان ولسي جرګې په یوه لانجمنه غونډه کې د ۱۳۹۹ کال مالي بودیجه تصویب کړه. ځینو وکیلانو دا بودیجه نا انډوله او غیر عادلانه بلله. د ۱۳۹۹ کال بودیجه تر ۴۲۸ میلیارد افغانیو ډېره (تر پنځه نیم میلیاردو ډالرو) ده. یوه میاشت وړاندې هم د مالي بودیجې پر سر بحثونه او لانجې وې.

2020-01-22 پښتو BBC

عمران خان: د افغانستان په هکله امریکا او پاکستان یو دریځ لري

د سویس یا سویزرلنډ په داووس ښار کې د پاکستان لومړي وزیر عمران خان د امریکا له ولسمشر ډونلډ ټرمپ سره خبرو کې وویل، چې اسلام اباد او واشنګټن د افغانستان په هکله یو دریځ لري او هغه افغانستان کې سوله ټینګول او د خبرو له لارې د طالبانو او حکومت ستونزې اوارول غواړي.

2020-01-22 پښتو BBC

هارون چخانسوري د ادریس زمان پر ځای د بهرنیو چارو وزارت چارسمبالى ګومارل شوی

محمد هارون چخانسوري د ادریس زمان پر ځای د افغانستان د بهرنیو چارو وزارت چارسمبالى ټاکل شوی دی. د افغانستان ولسمشرۍ ماڼۍ په یوه اعلامیه کې ویلي، چې د ولسمشر محمد اشرف غني د حکم پربنسټ ادريس زمان به د بهرنیو چارو وزارت سیاسي معین تر څنګ دغه وزارت کې د اصلاحاتو مسوولیت هم پر غاړه ولري.

2020-01-21 پښتو BBC

د بشري حقونو خپلواک کمېسیون: شین ډنډ هوايي برید کې ملکي کسان وژل شوي

د افغانستان د بشري حقونو خپلواک کمېسیون وايي، شاوخوا دوې اونۍ وړاندې د هرات په شين ډنډ ولسوالۍ کې د بهرنیو ځواکونو په یوه هوايي برید کې د ښځو او ماشومانو په ګډون لږ تر لږه ۱۰ کسان وژل شوي او پنځه نور ټپيان شوي وو.

2020-01-21 پښتو BBC

طالب او امریکايی پلاوی بیا قطر کې سره جرګه کېږي

په قطر کې د طالبانو د دفتر غړي او ویاند سهیل شاهین وايي، ددغه دفتر سیاسي پلاوی یې په دوحه کې د افغان سولې لپاره د امریکا له ځانګړي استازي زلمي خلیلزاد او په افغانستان کې د امریکايي ځواکونو له قومندان سکاټ مېلر سره درلوده، چې د سې شنبې په ورځ به هم "د مذاکراتي ټیمونو ګډ مجلس دوام ولري".

2020-01-21 پښتو BBC

کونړ پوليس: د افغان او پاکستاني ځواکونو ترمنځ نښته شوې

دا په تېرو څو میاشتو کې ډیورنډ کرښې په شاوخوا کې د دواړو هېوادونو د خال خال نښتو وروستۍ پېښه ده چې لا یې په ترڅ کې پاکستاني لوري ته د اوښتې مرګ ژوبلې په اړه څه نه دي ویل شوي.

2020-01-20 پښتو BBC

طالبان: امریکا د تاوتریخوالي کمولو لپاره زموږ غوښتنه منلې

د طالبانو یوه لوړپوړي غړي بي بي سي ته وویل، امریکا د تاوتریخوالي کمولو لپاره د دوی وړاندیز منلی چې د تړون لاسیکولو پر مهال امن فضا جوړه شي. دا غړی چې د سولې خبرو کې ښکېل دی له نوم پرته زیاتوي، دا طرحه محدوده ده او له امریکا سره د تړون لاسلیکولو ورځو کې عملي کېږي.

2020-01-20 پښتو BBC

یمن کې د توغندي له امله ۸۰ پوځیان وژل شوي

د یمن منځني ولایت مارېب کې د پوځیانو پر روزنځي د توغندي لګېدو له امله ۸۰ کسان وژل شوي دي. که څه هم د دې برید مسوولیت چا نه دی منلی، خو د یمن ولسمشر منصور هادي وايي، حوثي وسلوالو دا برید کړی دی.

2020-01-20 پښتو BBC

OK
This site uses cookies. By continuing to browse the site, you are agreeing to our use of cookies. Find out more