چین د جیش محمد ډلې پر مشر د بندیز مخه ډب کړې

جیش محمد ډلې د هغه ځانمرګي برید پړه پر غاړه واخیسته چې د هند تر ولکې لاندې کشمیر کې یې پر پوځیانو وکړ او ۴۰ کسه یې ووژل. د ملګرو ملتونو امنیت شورا څخه غوښتل شوي ول چې د مسعود اظهر شتمني کنګل کړي، پر تګ یې بندیز ولګوي او وسله پرې بنده کړي.

هالنډ کې وسله وال برید درې کسان وژلي او ۹ نور یې ټپیان کړي

د هالنډ پولیس وایي د ډزو له امله د اوترخت په ښار کې یو کس وژل شوی او ګڼ شمېر نور ټپیان شوي دي. پولیسو ویلي څېړنه روانه ده چې معلومه کړي آیا د برید ترشا "ترهګریزه انګېزه" وه که نه.

د نیوزیلنډ کابینې د وسلو د ملکیت قانون بدلولو ملاتړ کړی

د نیوزیلنډ کابینې په هېواد کې د وسلو ملکیت په تړاو د لومړۍ وزیرې جسیندا ارډن د اصلاحاتو د قانون بدلولو ملاتړ کړی. د وسلو لرلو قانون د اصلاحاتو خبره د هېواد د کرایسټ چرچ ښار پر دوو جوماتونو تر خونړي برید وروسته راپورته شوه.

هغه "اتل" افغان چې د نیوزیلنډ بریدګر یې وواهه

عبدالعزیز کلونه مخکې له کابله نوي زیلنډ ته ولاړ. دی د برید پر مهال په دوهم جومات (لینوډ) مسجد کې و چې له جوماته بهر یې د خلکو چیغې واورېدلې.

امریکا: 'پر خلیلزاد د حمد الله محب نیوکه پر بهرنیو چارو وزارت نیوکه ده'

په کابل کې د امریکا سفارت د خپل هېواد د بهرنیو چارو وزارت په استازیتوب یوه خبرپاڼه کې د افغان سولې لپاره د یاد وزارت پر ځانګړي استازي زلمي خلیلزاد د افغانستان د ملي امنیت سلاکار حمد الله محب نیوکه د امریکا پر بهرنیو چارو وزارت نیوکه ګڼلې ده.

افغانستان کې تر ۵۰ سلنه ډېر وګړي خپلسري درمل کاروي

د افغانستان د عامې روغتیا وزارت وایي لاهم په ټول افغانستان کې کابو پنځوس سلنه خلک په خپل سر او د ډاکټر له مشورې پرته درمل کاروي. دامهال ۸۴۰۱ قلمه درمل ثبت شوي چې یوازې د ۸۱ قلمه درملو ورکړه پرته له نسخې جواز لري.

د نیوزیلنډ جوماتونو کې وژل شوي څوک دي؟

له وژل شویو څخه یو لومړنی کس چې نوم یې معلوم شو، یو افغان دی چې داود نبي نومېږي. د داود نبي زوی عمر نبي بي بي سي ته وويل چې پلار به یې د هر چا مرستې ته راوړاندې کېده. بل لورته نیوزیلنډ محکمې یو سړی د دغې پېښې په تړاو په وژنه تورن کړی.

افغانستان د عمران خان د خبرو په تړاو د پاکستان استازی احضار کړی

د افغانستان بهرنیو چار وزارت وايي، کابل کې یې د پاکستان سفارت یو مستشار د دغه هېواد د لومړي وزیر عمران خان د وروستیو څرګندونو په تړاو احضار کړی دی. عمران خان د باجوړ سیمې مرکز ښار کې تېره ورځ د ځايي خلکو یوې غونډې ته وینا کې، د افغان سولې بهیر په تړاو څرګندونې کړې.

د نیوزیلنډ مشکوک بریدګر محکمې ته وړاندې شوی

د نیوزیلنډ په کرایسچرچ ښار کې پر دوو جوماتونو د وسله وال برید په تړاو مشکوک بریدګر محکمې ته وړاندې شوی او په رسمي توګه تورن شوی دی. چارواکي وايي په دغو بریدونو کې ۴۹ کسان وژل شوي او شاوخوا څلوېښت نور ژوبلېدلي دي.

د نیوزیلنډ جومات کې برید کوونکی څوک دی؟

برید ګر چې د کرایسټ چرچ ښار په النور جومات کې یې پر لمونځ کونکو د ډزو صحنه په ژوندۍ بڼه د فېسبوک له لارې خپروله ځان ۲۸ کلن اسټرالیایی برینټن ټارنټ بللی دی.

د نیوزیلنډ جومات برید کې ژوندی پاتې افغان وايي، بریدګر له یوه مخه ډزې کولې

د دغه ښار په النور جومات کې خلک د جمعې لمانځه لپاره یو ځای شوي وو، چې یو سړی جومات ته ننوت او پر لمونځ کوونکو یې ډزې پیل کړې. عیني شاهدان وايي، د ډزو له اورېدو وروسته یې د ځان ژغورنې لپاره منډه کړه.

نوي زیلاند کې پر جوماتونو وسله وال برید ګڼو کسانو ته مرګ ژوبله اړولې

نیوزیلاندي رسنیو خبر ورکړی چې یو وسله وال بریدګر ددې هېواد کرایست چرچ ښار کې پر جومات برید کړی. بلخوا د کرایسټ چرچ شاوخوا یو بل جومات باندې د برید رپوټ هم ورکړل شوی دی. د رپوټونو له مخې دې دواړو بریدونو کې ګڼو خلکو ته تلفات هم اوښتي دي.

وړانګه لوڼۍ: د ارمان لوڼي قضیې ثبت په لوی لاس ځنډول شوی

د ارمان لوڼي خور وړانګه لوڼۍ چې خپله هم د پي ټي ایم فعاله ده، د عدلي طب رپوټ نه رسېدل د پولیسو یوه پلمه بولي. پولیس بیا وايي، ' ډېر ژر' به د دغه رپوټ له تر لاسه کولو وروسته ایف ای ار یا قضیه ثبت کړي.

د بلخ نوي امنیې قوندان رسماً دنده پیل کړه

د بلخ ولایت لپاره د امنیې نوی قومندان عبدالرقیب مبارز د بلخ امنیه قومندانۍ شاوخوا کې له څو ساعته نښتو وروسته بلاخره د کورنیو چارو وزارت د پولیسو ځانګړو ځواکونو سره یو ځای خپل دفتر ته ورسېد او رسماً یې خپله دنده پیل کړه.

د کورنیو چارو وزارت: بلخ ته ځانګړي ځواکونه تللي؛ د ولسمشر امر پلی کیږي

د افغانستان د کورنیو چارو وزارت امنیتي مرستیال جنرال خوشال سادات وايي، د بلخ د پولیسو نوی مشر جنرال عبدالرقیب مبارز د ځانګړو ځواکونو په ملتیا مزاري شریف ته رسېدلی او په دې برخه کې به د ولسمشر امر بې له کوم ځنډه پلی کیږي. هغه دا څرګندونې وروسته له هغې کړې چې د بلخ پخواني والي عطا محمد نور ددې ګمارنې مخالفت وکړ.