'افغانستان کې د داعش ډېری وسله وال پاکستانیان دي'

په افغانستان کې د ناټو غوڅ ملاتړ ماموریت قومندان جنرال جان نیکولسن ویلي، په دې هېواد کې د داعش وسله والې ډلې اویا سلنه اورپکي پاکستانيان دي، چې په وینا یې پاکستان کې تر عملیاتو وروسته د ډيورنډ کرښې هاغاړې ته اوښتي او هلته له داعش ډلې سره یوځای شوي.

سوریه کې د روسیې چورلکه غورځول شوې

د روسیې پوځي چارواکو منلې ده، چې د سوریې شمالي ادلب ښار کې د اسد مخالفو وسله والو د روسیې یوه چورلکه راغورځولې ده. ویل کېږي چورلکه کې پنځه کسان سپاره وو.

د ترکیې ناکامه کودتا: یو شمېر تښتېدلي سرتېري نیول شوي

د ترکیې ځانګړو ځواکونو ددې هېواد د پوځ ۱۱ سرتېري په دې شک نیولي چې د جولای ۱۵مې ناکامې کودتا پرمهال د ولسمشر رجب طیب اردوغان د نیولو مسوول ټاکل شوي وو. د راپورونو له مخې، دا سرتېري تر دوه اونۍ تعقیب وروسته، په مرمره کې نیول شوي.

جرمني کې د اردوغان پلوۍ زرګونو خلکو لاریون کړی

د جرمني سړکونو ته د ترکیې د ولسمشر رجب طیب اردوغان په پلوۍ لسګونه زره خلک راوتلي. د جرمني خبري رسنۍ وايي، لاریون کې لږترلږه ۳۵ زره کسانو ګډون کړی و.

غور کې ولې نجلۍ د خوراکي توکو بدل کې واده شوه؟

د غور سیمه ییز چارواکي وایي هغه کس نیول شوی چې خپله ۶ کلنه لور یې یوه دوه څلویښت کلن سړي سره واده کړې ده. دغه کس خپله لور د یوه اندازه خوراکي توکو په بدل کې د پاخه عمر سړي ته ورکړې وه.

هرات کې د مصنوعي چمن لوبغالی

د افغانستان لوېدیځ هرات ولایت کې د فوټبال نوی لوبغالی د زرګونو تماشاچیانو په حضور کې پرانیستل شو. له منصوعي چمن دغه جوړ شوی لوبغالی د فوټبال نړیوال فدراسیون (فیفا) د یو میلیون ډالرو په لګښت جوړ شوی دی.

'سرغړوونکې افغان ملېشې دې محاکمه شي'

د ډيلي مېل بريتانيا چاپې ورځپاڼې د نننۍ گڼې يو سر ليک وايي "د بشري حقونو مدافع ټولنې په ناوړه چلند د تورنې افغانې مليشې محاکمه غواړي."

کابل کې درنه چاودنه شوې

پلازمینه کابل کې د یوې درنې چاودنې غږ اورېدل شوی چې لامل یې تر اوسه نه دی معلوم. له چاودنې وروسته د ښار په زياتره برخو کې برېښنا پرې شوې ده.

په کانګو کې لانجمنې کان کيندنې

د کانګو ديموکراټيک جمهوريت چې د مځکې پراخوالی يې د لوېديځې اروپا يا هم په ګډه د افغانستان او ايران په کچه دی، نړۍ کې د مسو او کوبالټ تر ټولو لوې زېرمې لري. دغه هېواد کې راتلونکی نومبر ولسمشريزې ټاکنې کېږي.

کاپي شوي پسونه او مېږې

ژويو كې د کلونېنګ يا د بل کاپي کولو تر شا ټکنالوژي اوس داسې برېښي چې انسانانو کې هم ښايي د ځانګړو ناروغيو درملنو لپاره وکارول شي. مخکې ساينسپوهان اندېښمن وو، چې د کلونېنګ يا کاپي کولو له امله ژوي ښايي له وخت مخکې زاړه شي

د حلب جګړه

د سوریې حلب کې ډېرو کمو خلکو هغه بشري لارې کارولې، چې د حکومت مخالفو وسله والو تر ولکې لاندې سيمو نه د وتلو لپاره ورته ټاکل شوې دي. روسيې ويلي له ۱۵۰ زيات ملکيان له دې سيمو وتلي، خو مخالفانو بيا دا شمېر نه دی منلی.

په افغانستان کې ځوان فلم جوړوونکي

په افغانستان کې د فلم جوړونې کار هم د نور چارو په څېر د جګړو او ناامنیو له کبله ټکنی شوی دی. خو ځینو ځوانو فلم جوړوونکو په افغانستان کې د ننه او بهر د دې تکل کړی چې دغې صنعت ته نوی رنګ ورکړي.

د هلمند نادعلي ولسوالۍ کې جګړه روانه ده

د افغانستان جنوب هلمند ولايت څخه راغلي راپورونه ښيي چې د دغه ولايت په نادعلي ولسوالۍ کې د افغان ځواکونو او وسله والو طالبانو تر منځ جګړه پيل شوې ده. ویل کېږي وسله والو طالبانو په ډله ييزه توګه په يو شمېر پوځي پوستو بريدونه کړی دی.

د ترکيې ناکامې کودتا په تړاو له زرو ډېر نور پوځيان ګوښه شوي

د ترکیې حکومت په ناکامه کودتا کې د لاس لرلو په تور نور ۱۳۸۹ پوځيان له دندو ګوښه کړي دي. روانه مياشت ترکيه کې د ولسمشر رجب طيب اردوګان د حکومت پر ضد د ناکامې کودتا له هڅې وروسته تراوسه شاوخوا ۳۰۰۰ تنه پوځيان له دندو ګوښه شوي دي.

"جوزجان کې ۲۰۰ پوليس کلابند دي"

د افغانستان په شمال کې د جوزجان ولايت ځايي چارواکي وايي نژدې ۲۰۰ تنه د ملي، سيمه ييزو پوليسو او ملي اردو سرتېري له تېرو دريو ورځو راهيسې قوش تپې ولسوالۍ کې کلابند شوي دي.

OK
This site uses cookies. By continuing to browse the site, you are agreeing to our use of cookies. Find out more