د پاکستان پخوانی ولسمشر اصف علي زرداري د تورو پیسو د سپینولو په تور د دغه هېواد په پلازمېنه اسلام اباد کې نیول شوی دی. ښاغلی زرداري وروسته له هغه نیول شوی چې د پاکستان سترې محکمې د ښاغلي زرداري او د هغه د خور په ضمانت خوشې کېدل رد کړل.
افغان دولت لسګونه طالب بندیان له زندانونو خوشي کړي، دا کسان د هغو نژدې ۹۰۰ بندیانو له منځه دي چې ولسمشر غني يي د اختر په ورځ د خوشي کېدو اعلان کړی و. د سرچینې په وینا ټاکل شوې روانه اوونۍ د څرخي پله د زندان په ګډون له څو نورو محبسونو هم لسګونه بندیان خوشي شي.
د فراه د ولایتي شورا غړي داد الله قانع بي بي سي ته ویلي چې د فراه د خاک سفید په سرکاریز سیمه کې یوه کس د خپلې کورنۍ لس غړي او یو ګاونډی وژلي دي. د ده په خبره پېښه تېره ورځ (غبرګولي ۱۹) یولس بجې هغه مهال رامنځ ته شوې چې دغه کس د کورني تاوتریخوالي او لفظي شخړې وروسته د خپلې کورنۍ د غړو، خپلوانو او ګاونډیانو په ګډون ۱۱ کسان وژلي او څوارلس نور یې ټپیان کړي دي.
افغان سولې لپاره د امريکا ځانگړى استازى زلمى خليلزاد وايي د افغان سولې بهير يوه نوي پړاو ته ننوځي، نو افغانان بايد تر پخوا هر کله اوس خبرو کې ډېر ښکېل شي. د ښاغلي خليلزاد دا څرگندونې پلازمېنه کابل کې له افغان ولسمشر محمد اشرف غني سره د نوموړي له کتنې وروسته مخې ته راغلې.
د خیبر پښتونخوا حکومت د پاکستان د ټاکنو کمیسیون نه په قبایلي ضلعو کې د شل ورځو لپاره د ایالتي ټاکنو د ځنډولوغوښتنه کړې ده. خو شنونکي او سیاسي مخالفین تور لګوي چې یو شمېر کړۍ په دې سیمو کې اصلاً سیاسي ولسواکي او پارلماني نظام نه غواړي او هسې پلمې لټوي
یوې امنیتي سرچینې بي بي سي ته ومنله چې د فوټبال فدراسیون پخوانی مشر کرام الدین کریم چې د نجونو فوټبالغاړو د جنسي ځورونې په تور یې د نیولو حکم شوی، ورک دی. لویه څارنوالي وایي د ښاغلي کریم د نیونې حکم یوه میاشت وړاندې هغه مهال وشو چې د جنسي ځورونې قضیه کې د تحقیقاتو له پاره ورنغی.
د یوې ۲۴ کلنې افغان مېرمنې ارزو مړی له څو ورځې لادرکۍ وروسته د واشنګټن د اسپوکن ښار کې د خپل کور په یخچال کې موندل شوی دی. د امریکايي رسنیو په خبره، ددې مېرمنې مېړه د مې په ۲۸مه نامعلوم مقصد په لور امریکا پریښې ده. د وژل شوې مېرمنې یوې ملګرې د هغې لادرکۍ خبره پولیسو ته کړې وه.
د نړیوال فوټبال چارو سمبالونکې ادارې (فیفا) د افغانستان فوټبال فدراسیون پر پخواني مشر کرام الدین کرام د ښځینه لوبغاړو جنسي ځورونې له کبله د ټول عمر لپاره بندیز لګولی. نوموړی همدې قضیه کې نژدې یو میلیون ډالر جریمه شوی هم دی.
د امریکا او روسیې دوه جنګي بېړۍ د ارام سمندر لوېدیځ کې څو متره لرې له یو بل تېرې شوې، داسې تېرېدل چې ډېرو خطرناکه او بې ضرورته بللې ده. هر لوری بل ملامتوي او ویډیویي انځورونو یې رسنیو کې سخت غبرګون پیدا کړی دی.
د ۲۰۱۹ کال کرېکټ نړیوال جام سیالیو لړ کې نن (شنبه جون ۸) د انګلنډ ټاونټن لوبغالي کې د افغانستان او نیوزیلنډ تر منځ لوبې پچه نیوزیلنډ وګټله او لومړی یې توپ اچوونه غوره کړه. د نن لوبې لپاره په افغان لوبډله کې درې بدلونونه راغلي او اکرام علي خېل، نور علي ځدراڼ او افتاب عالم لوبډله کې اخیستل شوي دي.
ښاغلی نایب دا څرګندونې داسې مهال کوي چې سبا شنبه راتلونکې سیالۍ له همدې لوبډلې سره لري چې د نړیوال جام سیالیو جدول په سر کې ځای لري او مخکینۍ دواړه لوبې یې ګټلې دي. بل لور ته افغانستان له دې مخکې د نړیوال جام سیالیو کې دوې لوبې کړې چې دواړه یې بایللې دي.
د غزني ولایت سیمه ییز چارواکي وايي، افغان امنیتي ځواکونو د دې ولایت خواجه عمري ولسوالۍ له طالبانو بېرته نیولې ده. دا ولسوالۍ شاوخوا یو کال د طالبانو په ولکه کې وه. د غزني والي ویاند عارف نوري وايي، افغان ځواکونو په دې ولسوالۍ عملیات کړي او د دې ولسوالۍ ولکه یې بېرته له طالبانو ترلاسه کړې ده.
۲۱ کلنه لکسي الفورډ د نړۍ ۱۹۶ هېوادو ته په سفر تللې او تر ټولو پیغلې په توګه یې د نړیوالو ریکارډونو ثبتوونکي کتاب 'ګینیس' کې خپل نوم ثبت کړی دی. دا په دې معنی چې هغې هر کال ۹ هېوادونو ته سفر کړی دی. نوموړې د یوه برتانوي سړي پخوانی ریکارډ مات کړی دی. جېمز اسکوایټ په ۲۴ کلنۍ کې ورته لاسته راوړنه درلوده.
د وسله والو طالبانو ویاند ذبیح الله مجاند بي بي سي ته ویلي، د کوچني اختر په درېیو ورځو کې د دوی وسله والو په ټول افغانستان کې په دفاعي حالت کې وو. که څه هم طالبانو د کوم اوربند اعلان نه و کړی، خو دا ډله وایي د اختر ورځو کې یې پر افغان ځواکونو هېڅ برید نه دی کړی
د افغانستان د فاع وزارت په یوه اعلامیه کې ویلي چې د کمانډو ځواکونو په ځانګړو عملیاتو کې د فاریاب په قیصار ولسوالۍ کې د طالبانو له زندانه ۸۳ کسان ازاد کړي دي. دغه عملیات د تېره شپه (غبرګولي ۱۵) د شاخ په نوم سېمه کې د طالبانو په یوه پټ زندان تر سره شوي دي
