اشرف غني: اوسنی حکومت د سولې په اړه وروستۍ پرېکړه نه شي کولی

افغان ولسمشر د لوی اختر له لمانځه وروسته په ارګ کې خپل اختریز پیغام کې ولس ته وویل، د اوسني حکومت په ورستي پړاو کې سختې پرېکړې امکان نه لري او د سولې لپاره پکار ده چې خلک راتلونکي ولسمشر ته واک ورکړي تر څو د صلاحیت په اساس لويې پرېکړې وکړي

لوی اختر: زرګونه افغان امنیتي کسانو ته د تیارسئ امر شوی

کابل کې د بي بي سي خبریال وايي، سره له دې چې په دا وروستیو ورځو کې افغانستان کې یو شمېر خونړۍ پېښې شوې، خلک د سولې روانو خبرو ته هېله مند دي، د لوی اختر لپاره چمتوالی کوي او افغان حکومت زرګونه امنیتي سرتېرو ته د لوی اختر د امنیت ټینګښت په موخه د تیارسئ امر کړی.

افغان کرېکټ بورډ د لوبغاړي شهزاد محمدي قرارداد وځنډاوه

افغان کرېکټ بورډ د ملي لوبډلې غړي محمد شهزاد محمدي قرارداد ځنډولی دی. د افغان کرېکټ بورډ په یوه اعلامیه کې ویل شوي دي، د محمد شهزاد قرارداد د یادې ادارې له اصولو د پرلپسې سرغړونو له کبله ځنډول شوی دی.

افغان حکومت ازبکستان ته د طالب مشرانو پر سفر نیوکه وکړه

د افغانستان د بهرنیو چارو وزارت وايي، د افغان سولې بهیر کې د ګاونډیانو همکارۍ ته هرکلی وايي، خو د ازبکستان په رسمي بلنه د طالب استازو ورغوښتل د افغان حکومت او طالبانو ترمنځ د سولې بهیر خبرو له اسانولو سره همکاري نه شي کولی.

جرمني او امریکا د افغان سولې پر راتلونکو ګامونو غږېدلي

د افغان سولې لپاره د امریکا ځانګړي استازي د جرمني د بهرنیو چاروله وزیر سره د سولې بهیر کې د جرمني د هڅو په تړاو خبرې کړې او د سولې په تړاو پر راتلونکو ګامونو ورسره غږېدلی. بل خوا ازبکستان د افغانانو د بلې خپلمنځي غونډې د کوربتوب وړاندیز کړی.

هند: پاکستان د کشمیر په تړاو ناسم پوهاوی خپروي

هندي چارواکو پر پاکستان تور پورې کړی چې د کشمیر په تړاو ناسم پوهاوی خپروي او دغه هېواد ته یې خبرداری ورکړی چې د هند په کورنیو چارو کې له لاسوهنې ډډه وکړي. پاکستان وايي، د موضوع احتمالي پوځي حل موضوع ردوي.

د ټرمپ او قطر امیر تر منځ د افغان سولې پر موضوع خبرې شوې

د قطري سرچینو په وینا پرون د دغه هېواد امیر شیخ تمیم بن حمد الثاني د امریکا د متحده ایالاتو له ولسمشر ډونالډ ټرمپ سره د افغانستان د سولې په اړه ټیلیفوني خبرې کړي دي. بل لور ته د قطر پلازمېنه دوحه کې د افغانستان د سولې په اړه د اتم پړاو خبرې روانې دي.

د سولې په تړاو د ازبکستان له وړاندیزه د طالبانو هرکلی

ازبکستان ته د طالبانو تللي پلاوي د هغه هېواد د یوه وړاندېز هرکلی کړی چې د سولې په تړاو به د افغانانو خپل منځي غونډې کوربه توب د ازبکستان په سمرقند ښار کې کوي. د ملا برادر په مشرۍ طالب پلاوي د ازبکستان د بهرنیو د چارو وزیر په ګډون له یو شمېر نورو چارواکو سره په دې اړه خبرې کړي دي.

طالبان: د کشمیر لانجه له افغان سولې بهیر سره هېڅ تړاو نه لري

افغان طالبانو ویلي، په کشمیر کې روان وضعیت او د پاکستان او هند ترمنځ سیاسي ناندرۍ د افغان سولې له بهیر سره هېڅ تړاو نه لري. طالبانو له هند او پاکستان دواړو غوښتي چې داسې ګامونه پورته نه کړي چې په سیمه کې تاوتریخوالي او ستونزو ته لار پرانیزي.

حنیف اتمر د ولسمشرۍ ټاکنو لپاره خپل کمپاین وځنډولو

د افغانستان په راتلونکو ولسمشریزو ټاکنو کې یو مهم نوماند او د افغانستان د ملي امنیت پخواني سلاکار محمد حنیف اتمر اعلاتن کړی چې راتلونکو ولسمشریزو ټاکنو لپاره یې خپل کمپاین ځنډولی. نوموړي پر خپله فېسبوک پاڼه په خپره شوې اعلامیه کې ویلي، د دې ټاکنو پر روڼوالي شک لري، او د ټاکنو بهیر د سولې پروسه زیانمنولی شي.

د بېل کلېنټن او مونیکا لوینسکي رسوايي په امریکايي‌ ډرامه کې

په امریکا کې د تلوېزیوني پروګرامونو جوړوونکی یو شرکت د دغه هېواد د پخواني ولسمشر بېل کلنټن او د سپینې ماڼۍ روزونکې مونیکا لوینسکي ترمنځ د پټو اړیکو د رسوایۍ په اړه تلوېزیوني ډرامه جوړوي.

"بهرنیو چارو وزارت کې ګڼ شمېر ګومارنې ناقانونه دي"

په افغانستان کې د فساد پر وړاندې د مبارزې یوې خپلواکې ادارې ویلي، د بهرنیو چارو وزارت د ګومارنو په پروسه کې قانون نه دی مراعت شوی. د دې بنسټ په راپور کې راغلي، د بهرنیو چارو وزارت د ګومارنې سیستم ناسم دی او روڼوالی نه لري.

پاکستان د هند سفیر شړلو پرېکړه او پوځ ته د بېداره اوسېدو امر کړی

د پاکستان حکومت په اسلام اباد کې د هند د سفیر د شړلو او له هند سره د هر ډول تجارتي اړیکو د ختمولو اعلان کړی دی. دا ګام وروسته له هغه پورته کېږي چې هند دوه ورځې وړاندې تر خپلې ولکې لاندې کشمیر د ځانګړي حیثیت ختمولو پرېکړه او هلته یې زرګونه پوځیان ځای پر ځای کړل

کابل ښار کې موټربم چاودنه شوې

د افغانستان د کورنیو چارو وزارت وايي، د کابل ښار شپږمې امنیتي حوزې پر نظام قراول موټربم چاودنه شوې ده. روغتیايي چارواکي وايي، تر اوسه کابل امبولانس د چاودنې له سیمې ۳۴ ټپیان روغتونونو ته لېږدولي. تېره شپه د کابل ښار درېیو سیمو کې د اورپکو ضد عملیات هم شوي دي.

ولسي جرګې د سولې د چارو وزارت بودیجه رد کړه

د افغانستان ولسي جرګې د پنځو حکومتي ادارو بودیجه رد کړې ده. په دې ادارو کې د سولې چارو لپاره نوی جوړشوی وزارت هم شامل دی چې دا وروستیو کې رامنځته شوی دی. چارواکي وايي، دغه وزارت ته بودیجه نه ور کول د سولې پر بهیر منفي اغېز نه شي کولای.