د افغانستان او هند ترمنځ ټېسټ لوبه بنګلور ښار کې پیل شوه

افغانستان به د خپل کرېکټ د تاریځ لومړنۍ ټېسټ لوبه نن د هند په بنګلور ښار کې پيل شوه پچه هند وګټله او لومړی یې د منډو جوړولو پرېکړه وکړه. افغانستان تېر کال د ټېسټ لوبو اجازه ترلاسه کړې وه. د هند لومړي وزیر نرېندرا مودي ویلي، ویاړي چې افغانستان د خپلې لومړۍ ټېسټ لوبې لپاره هند غوره کړ.

د شاه رخ خان د تره لور د پاکستان ټاکنو کې کاندیده ده

له بي بي سي سره خبرو کې نورجهان وايي، ټاکنو کمېسیون یې اسناد منلي دي او اوس به ټاکنیز کمپاین پیلوي، خو له شاه رخ نه به خپل ټاکنیز کمپاین کې د مرستې غوښتنه و نه کړي.

د زندان نړۍ؛ ۳۰۰ افغان ماشومان چې بې ګناه بندیان دي

د افغانستان د ښځو په زندانونو کې ۳۰۰ هغه ماشومان هم د بند شپې تېروي چې اصلا یې میندې د جرمونو له امله پر زندان محکومې شوې دي. زندانۍ میندې وايي، کمې اسانتیاوې او د زندان چاپېریال یې د ماشومانو پر ذهنونو ناوړه اغېز پرېباسي.

افغانستان 'له پاکستان سره د عمل پلان' پلي کېدل غواړي

افغان چارواکو د پاکستان د پوځ له لوی درستیز جنرال قمر جاوېد باجوه وغوښتل چې د سولې او پیوستون لپاره د افغانستان پاکستان عمل پلان پلی کړي. د دې پلان له مخې کابل او اسلام اباد هوکړه کړې چې افغانستان کې د سولې را وستلو او تاوتریخوالي کمولو کې همکاري وکړي.

د ولسي جرګې او ولایتي شوراګانو ټاکنو ته د نوم ثبتولو ورورستۍ ورځ

د ټاکنو خپلواک کمېسیون وایي، یوازې په هغو سیمو کې لاهم د ولسوالیو شوراګانو کاندیدان کولای شي نوم لیکنه وکړي چې د بېلابېلو لاملونو له کبله یې وخت ضایع شوی دی.

ټرمپ: امریکا او شمالي کوریا د اړیکو نوي باب پرانیستلو درشل کې دي

د امریکا ولسمشر د شمالي کوریا له مشر کېم جونګ اون سره تر خبرو وروسته خبریالانو ته وویل، شمالي کوریا د نااتومي کېدو په اړه خپله "نه بدلېدونکې ژمنه" وکړه چې په وینا یې د دواړو هېوادونو مشران د دوه اړخیزو اړیکو لپاره د نوي باب پرانیستلو لپاره چمتووالی نیسي.

د افغانستان په زندانونو کې روغتيايي وضعیت کړکېچن دی

د افغانستان په زندانونو کې د زندانیانو روغتیايي وضعیت کړکېچن دی. د نري رنځ او پوستکي ساري ناروغیو او همدارنګه ناسم چاپېریال د بندیانو ژوند له سختو کړاوونو سره مخامخ کړی دی. د روان لمریز کال په لومړیو درېوو میاشتو کې ۲۳۰ زندانیان د نري رنځ په ساري ناروغۍ اخته شوي.

د کابل ځانمرګي بريد کې ۱۳ کسان وژل شوي

د کابل لوېديځ دارالامان سيمه کې د کليو او پراختيا وزارت سره نژدې چاودنه کې ۱۳ کسان وژل شوي او ۲۵ نور ټپيان دي. وژل شوي کسان دولتي کارکوونکي دي. د سرچینو په وینا ځانمرګي بریدګر پلی و او ددغه وزارت د کارکوونکو د رخصتۍ پر مهال یې ځان چولی دی.

ننګرهار: پوهنې ریاست تر څېرمه ډله ییز برید شوی

د ننګرهار ځايي چارواکي وايي، په جلال اباد ښار کې د پوهنې ریاست او طب پوهنځي ته څېرمه ډله ییز وسله وال برید شوی دی. د چارواکو په خبره، یوه بریدګر په ځان پورې تړلیو باروتو ته چاودنه ور کړې او درې نور یې د امنیتي ځواکونو له خوا په وژل شوي دي.

د نجونو د زدکړو لپاره برتانیا له افغانستان سره اتیا میلیون ډالره مرسته وکړه

د برتانیا حکومت وايي، د افغان نجونو د زدکړو سره د مرستې لپاره افغانستان ته اتیا میلیون ډالر ور کوي. کابل کې د برتانیا سفارت وايي، دا پیسې به نږدې اویا زره افغان نجونو ته د زدکړو زمنیه برابره کړي.

تخار کې د پېژندپاڼو لس زره غوښتنليکونه باطل اعلان شوي

د تذکرو د زرګونو غوښتنلیکونو د ناقانونه وېش په اړه د معلوماتو تر برسېرېدو وروسته، افغان حکومت په تخار ولایت کې دغه فورمې باطلې اعلان کړې دي. د افغانستان په قوانینو کې راغلي چې محرم او با ارزښته اسناد باید د پوست له لارې له یوې ادارې بلې ته ولېږدول شي.

د افغانستان یوه 'ګوښه شوي' وزیر ۱۳ میلیون ډالري تړون لاسلیک کړ

د اوبو او انرژۍ لرې کړای شوی وزیر علي احمد عثماني نن د خپل کار په دفتر کې حاضر و او د یوې لویې پروژې تړون یې هم لاسلیک کړ. ښاغلی عثماني تېره ورځ سهار د ولسمشر د یوه حکم له مخې له دندې لرې شو، خو د ورځې په پای کې اجراییه مشر عبدالله عبدالله له دې پرېکړې سره مخالفت وښود.

عبدالله د غني له خوا د انرژۍ وزیر له لرې کېدو سره مخالفت وکړ

د افغان حکومت اجرایه مشر عبدالله عبدالله د اوبو او او انرژۍ وزیر علي احمد عثماني له لرې کېدو سره مخالفت وکړ. ولسمشر غني د شنبې په ورځ (د جون نهمه) د یوه حکم صادرولو سره ښاغلی عثماني له وزارت اګوښه او د هغه مرستیال یې سرپرست وګوماره.

د افغانستان څلورو ولايتونو کې ۶۵ امنيتي سرتېري وژل شوي

د طالبانو د اوربند له اعلان سره همهاله په څلورو ولایتونو، کندهار، هرات، کندز او سرپل ولایت کې پر امنیتي ځواکونو سخت یرغلیز بریدونه وکړل او لږ ترلږه ۶۵ پولیس او د ملي اردو سرتېري یې ووژل.

طالبان: د اختر په ورځو کې پر افغان ځواکونو بریدونه نه کوو

وسلوالو طالبانو رسنیو ته په استولې خبرپاڼه کې ویلي، د دوی مشرتابه خپلو وسلوالو ته امر کړی، چې د اختر په ورځو کې په ټول هېواد کې د دوی په وینا پر کورنیو مخالفانو بریدګرونه ودروي. د طالبانو دا ګام له هغه څو ورځې وروسته دی چې افغان ولسمشر د دې ډلې پرضد د اختر تر پنځمې یو لوریز اوربند اعلان کړ.